🌺 இறைவனை ஆழ்ந்து புரிந்து கொள்ள உதவும் ஒரு இறை அனுபவப் பதிவு

சிவாய நம சாய்ராம்

அன்பின் உருவமான குருவின் திருவடிகளை வணங்கி, இந்தப் பதிவை இறைவனின் அன்பை உணர்ந்து கொள்ள உதவும் பதிவாக இங்கு உணர்வுகள் எழுத்துக்களாக அவர் அருளாலேயே வார்த்தைகளாக வடிக்கப்பட்டிருக்கிறது.

கருணாமூர்த்தியான இறைவனின் தாமரைப் பாதங்களை வணங்கி இந்தப் பதிவை தொடர்ந்து படிப்போம்!
உணர்வில் இறைவனை உணர்வோம்!

---

🕊️ இறைவனின்  முன்கூட்டிய செயல்

இறைவன் ஒருவருக்கு கருணை புரிய எத்தனை விஷயங்களை முன்கூட்டி செய்கிறான் என்பதை இந்தப் பதிவு ஆழமாக உணர்த்துகிறது.

நம்முடைய அறக்கட்டளை கிட்டத்தட்ட ஒரு வருடத்திற்கு மேலாக ஜகத்குரு ஐயா அவர்களின் சித்த மருத்துவர் குழுவில் இணைந்து பல்வேறு விஷயங்களை ஆழ்ந்து கவனித்து உள்வாங்கிக் கொண்டிருக்கிறது.
அவ்வாறு இணைந்ததன் மூலம் மனித நேயம் மிக்க கிஷோர் அவர்களின் அறிமுகமும் கிடைத்தது. தன்னால் முடிந்தவரை அடுத்த மனிதருக்கு உதவ வேண்டும் என்ற நல்ல உள்ளத்தை மட்டும் தான் கிஷோர் மற்றும் அவருடைய மனைவி பூரணியிடம் பார்க்க முடியும்.

---

🌧️ வெள்ளம் – புதிய வீடு – இறை அருள் தொடக்கம்

டிசம்பர் 2024ல் ஒரு அடியவரின் மிக நெருங்கிய சொந்தத்தின் வீடு வெள்ளத்தில் பாதிக்கப்பட்டது. அதனால் அந்த அடியவர் மற்றும் அவர்கள் குடும்பத்தினர் அனைவரும் இணைந்து புதிய வீடு பார்க்கும் பணியில் இறைவன் அருளால் ஈடுபட்டனர்.

அப்பொழுது திடீரென ஒரு இன்ஜினியர் அவர்களின் வரவால் மார்க்கெட்டுக்கு வராத ஒரு வீடு பற்றி அந்த இன்ஜினியர் சொல்லவும், அந்த வீட்டைக் குறித்து தகவல்கள் சேகரிக்கப்பட்டது. இறை அருளால் அந்த வீடு முடிவானது.

இறைவனுக்கு உண்மையில் ஆத்மார்த்தமான நன்றிகள் இந்தக் குடும்பத்தினரால் சொல்லப்பட்டது.

---

🙏 பாக்யா அவர்களின் கதையின் தொடக்கம்

இப்பொழுது இங்கு ஒரு சித்த மருத்துவ குழு, அந்த மருத்துவ குழு உடன் இணைந்து பணியாற்றும் உன்னத மனிதர் கிஷோர் அவர்கள், இந்த வீடு மற்றும் இந்த வீட்டில் இருந்த ஒரு அற்புதமான விநாயகர் — இவை அனைத்தும் புற்றுநோயால் பாதிக்கப்பட்ட பாக்யா அவர்களுக்கு உதவுவதற்காக என்று செப்டம்பர் 2024ல் சித்த மருத்துவ குழுவில் சேர்ந்த பொழுது தெரியாது.

இந்த வீட்டில் இருந்த பிள்ளையார் சிலை போல் சீரடி சாய் அவர்கள் சிலை செய்தால் மிகவும் நன்றாக இருக்குமே என்ற எண்ணம் உள்ளுணர்வில் தோன்ற, வீடு விற்றவர் இடம் இதை செய்தவர் தொடர்பு எண் பெறப்பட்டது. அப்பொழுதுதான் தெரியவந்தது — இந்த சிலை செய்தவர் மனைவிக்கு புற்றுநோய் என்பது. 

இந்த சித்த மருத்துவர் குழுவில் கிட்டத்தட்ட ஆறு மாதங்களுக்கு மேல் நிறைய பேர் புற்று நோய்க்கு இந்த சித்த மருத்துவர் கொடுத்த மருந்து உதவுகிறது என்பதை பலமுறை படித்திருந்ததால், அது குறித்து பாக்யா அவர்களிடம் சொல்லலாம் என்று அவர்களை தொடர்பு கொண்டோம். கிட்டத்தட்ட ஒரு மாதம் பாக்யா அவர்கள் எதற்கும் பிடி கொடுத்து பேசவில்லை. ஒவ்வொரு வார இடைவெளி கொடுத்து திரும்பத் திரும்ப தொடர்பு கொண்டு அவர்களுடன் பேசினோம். இந்த நிலையில் அவர்கள் கீமோ எடுத்துக் கொண்டிருந்தார்கள்.

---

🌼 தைரியம் – துன்பம் – இறை நம்பிக்கை

பாக்யா அவர்களின் தைரியம் வியக்கத்தக்கது. வாரம் ஒருமுறை 200 கி.மீ. பயணம் செய்து கீமோ எடுத்து வீட்டிற்கு திரும்பி குடும்பத்தை கவனித்தார்.

ஜூன் மாதம் வந்த PET ஸ்கேனில் கல்லீரலிலும் புற்றுநோய் பரவி இருப்பது தெரியவந்தது.

இதற்கு நடுவில், சித்த மருத்துவம் மற்றும் கிஷோர் அவர்களின் வழிகாட்டுதல் மூலம் தேவையான ஆலோசனைகள் கிடைத்தன. ஜூன் மாதம் வந்த ரிப்போர்ட்டை அடிப்படையாகக் கொண்டு கிஷோர் அவர்கள் இரண்டு மூன்று விதமான டெஸ்டுகள் எடுக்கப்பட வேண்டும் என்று ஆலோசனை சொன்னார். ஆனால் இவர்களுக்கு வைத்தியம் பார்த்த அந்த மருத்துவர் இந்த ஆலோசனைகளை ஏற்கவில்லை. எனவே இந்த டெஸ்டுகள் செய்யப்படவில்லை. 

செப்டம்பர் மாதத்தில் இவர்களுக்கு மருத்துவம் பார்த்த அந்த மருத்துவர் இவர்கள் ஒரு வருடம் தான் இருப்பார்கள் என்று சொல்லிவிட்டார். 

---

💫 இறைவன் செயல் தொடர்

இந்த நிலையில் என்ன செய்வது என்கின்ற குழப்பத்துடன் அவர்களின் சொந்த ஊரில் இருந்த புற்றுநோய் மருத்துவர் அணுகினர். அவரும் ஏற்கனவே கிஷோர் அவர்கள் சொன்ன டெஸ்ட் குறித்து சொன்னார். இந்த நிலையில் செப்டம்பர் 27ஆம் தேதி இவர்கள் மருத்துவரை சென்று பார்க்க வேண்டி இருந்தது. அந்த நேரத்தில் அவர்களுக்கு டார்கெட் கீமோ கொடுத்து பார்க்கலாம் ஆனால் கண்டிப்பாக உறுதியாக எதுவும் சொல்ல இயலாது என்று மருத்துவர் சொல்லிவிட்டார். ஏற்கனவே இவர்கள் கிட்டத்தட்ட 18 லட்சத்திற்கு மேல் செலவு செய்து விட்டார்கள். 

இதுகுறித்து யோசித்த பொழுது, உள்ளுணர்வில் இவர்களுக்காக gofund me இணையதளம் மூலம் நிதி திரட்ட இறைவன் உணர்த்த, அதை எப்படி செய்வது என்று எடுத்து பார்த்து அதற்குரிய விஷயங்களை அன்றைய இரவே இறைவன் செய்ய வைத்தார் என்பது மிகவும் ஆச்சரியமான விஷயம். ஏனெனில் அடுத்த நாள் பாக்யா அவர்களின் கணவர் ஃபோன் செய்து அன்றைய தினம் அவர்கள் டார்கெட் கீமோ கொடுத்து பார்த்து விடலாம் ஆனால் அதற்கு கையில் இருக்கும் தொகை போதாது என்று சொன்னார்கள். 

அவர்கள் கேட்ட தொகையில் கேட்ட 75 சதவீதத்திற்கு மேல் நிதி திரட்டப்பட்டிருந்தது. எனவே இறைவன் அருளால் அவர்கள் கேட்ட தொகை கிடைத்து அன்றைய தினம் அந்த டார்கெட் கீமோ கொடுக்கப்பட்டது. அதற்குப் பிறகு இன்னும் கொஞ்சம் சிறிய அளவிலான தொகை மட்டும் இறையருளால் வந்திருந்தது. செப்டம்பர் 30ஆம் தேதிக்கு பிறகு மேற்கொண்டு எந்த ஒரு தொகையும் go fund me மூலம் கிடைக்கவில்லை. இந்த நிலையில் இந்தியாவில் உள்ள நிதி திரட்டும் இணையதளங்கள் மூலம் செய்யலாம் என்று யோசித்த பொழுது Impact Guru என்கின்ற இணையதளம் மற்றும் Milaap என்கின்ற இணையதளம் மூலம் நிதி திரட்ட இறைவன் அருளால் முயற்சி எடுக்கப்பட்டது. Impact Guru இணையதளம் வீட்டில் வந்து புகைப்படங்கள் மற்றும் வீடியோக்கள் எடுப்பதாக சொன்ன பொழுது பாக்யா அவர்களின் மனதிற்கு அது உகந்ததாக இல்லை. எனவே மேற்கொண்டு இந்த இணையதளங்கள் மூலம் நிதி திரட்ட வேண்டாம் என்று சொல்லிவிட்டார்கள்.

---

📖 திருப்புகழ், வேல்மாறல், மற்றும் ரியல் சாய் மிராக்கிள் இணைப்பு

ஒருபுறம் நம்முடைய அறக்கட்டளைக்கு மிகுந்த குழப்பம் அடுத்து என்ன செய்வது என்கின்ற சோதனையான நிலை. இதனால் 27 ஆம் தேதி அன்று இறையருளால் வேல்மாறல் பாராயணம் தொடங்கப்பட்டது. 

இதற்கு நடுவில் அக்டோபர் நான்காம் தேதி கிஷோர் அவர்கள் ஜூன் மாதம் எடுக்கச் சொன்ன அந்த டெஸ்டின் ரிசல்ட் வந்தது. அந்த டெஸ்டின் பெயர் PDL 1 என்பதாகும். இந்த டெஸ்டில் பெரும்பாலும் நிறைய பேருக்கு ஒன்று அல்லது இரண்டு சதவீதம் வந்தால் ஆச்சரியம் என்று சொல்லி இருக்கிறார்கள். பாக்யா அவர்களுக்கு இருந்தது ட்ரிபிள் நெகடிவ் புற்றுநோய். இவ்வகை புற்று நோய்க்கு நல்லவிதமான டெஸ்ட் ரிசல்ட் கிடைப்பது என்பது அரிது என்பதால் தான் அந்த மருத்துவர் முன்பே இந்த டெஸ்ட்டை செய்யவில்லை என்று சொன்னார். ஆனால் இறையருளினால் இவர்களுக்கு வந்த டெஸ்ட் ரிசல்ட் கிட்டத்தட்ட 50 சதவீதத்திற்கு மேல் வந்தது. இந்த டெஸ்ட் கடைசி நேரத்தில் எடுக்கப்பட்டதும் இவ்வளவு அரிதான ஒரு ரிசல்ட் கிடைத்ததும் பிரார்த்தனை மற்றும் இறையருளின் சக்தியால் மட்டுமே என்பது புரிந்தது. 

ஒருபுறம் இந்த டெஸ்ட் ரிசல்ட் இப்படி வந்தது ஒரு தன்னம்பிக்கையை கொடுத்திருந்தாலும் இதற்கான செலவு கிட்டத்தட்ட குறைந்த பட்சம் 12 லட்சம் வேண்டும் என்பது பாக்யா குடும்பத்திற்கு மிக மலைப்பாக இருந்தது. எனவே இந்த மருத்துவம் குறித்து எந்த விபரங்களும் மருத்துவரிடம்  அவர்கள் கேட்கவில்லை. 

இதற்கு நடுவில் அக்டோபர் 9ஆம் தேதி என்ன இறைவா செய்வது? என்று பிரார்த்தனை வைக்கப்பட்டது. இந்த பிரார்த்தனையின் பொழுது பக்கத்தில்  ரியல் சாய் மிராக்கிள் யூடியூப் சேனல் வெளியிட்டிருந்த திருப்புகழ் புத்தகம் இருந்தது. 

இந்தப் புத்தகம் எப்படி கிடைத்தது என்பதும்  மிக ஆச்சரியமான ஒரு விஷயம். இந்த சேனலின் தொகுப்பாளர் இங்கிலாந்தை சேர்ந்தவர். நம்முடைய அறக்கட்டளை அவர்களின் குழுவில் இணையக் கூடிய வண்ணம் அவர்கள் அதற்குரிய வாட்ஸ் அப் லிங்கை வெளியிட்டிருந்தார்கள். எத்தனையோ முறை இவர்களுடைய whatsapp குழு பற்றி அவர்கள் சேனலில் அவர்கள் சொல்லி கேள்விப்பட்டிருக்கிறோம். ஆனால் அந்த குழுவில் இணைவதற்கான லிங்க் குறித்து எங்கும் வெளியிடப்படவில்லை. 

பிறகு தான் தெரிந்தது அதற்கு முன்பு வரை அவர்கள் தேர்ந்தெடுத்த அடியவர்கள் மட்டும்தான் அந்த குழுவில் இணைய முடியும் என்பதும் பிறகு வேறு ஒரு காரணத்தினால் அவர்கள் youtube டிஸ்க்ரிப்ஷன் பாக்ஸில் அந்த லிங்கை வெளியிட்டிருந்தார்கள்.

அன்றைய தினம் அந்த லிங்கை பார்த்துவிட்டு இணைந்தது இறைவன் செயல். அப்பொழுது அவர்களிடம் இந்தியாவில் இருந்து என்னுடைய நெருங்கிய தோழி வருவதால் உடனடியாக கொஞ்சம் புத்தகத்தை அனுப்ப இயலுமா என்று கேட்ட பொழுது அந்த சேனலின் தொகுப்பாளர் சகோதரி அனிதா உடனடியாக அதற்கு ஏற்பாடு செய்தார். அவ்வாறு கிடைத்தது தான் இந்த புத்தகம். அந்த புத்தகத்தை அக்டோபர் 9ஆம் தேதி இறையருளால் வேண்டி குத்துமதிப்பாக திறக்க அதில் வந்திருந்த பாடல் தான் தெரிந்தும் தெரியாமலும் செய்த பாவங்களை அழிக்க அருணகிரிநாதப் பெருமானின் கனகந் திறள் திருப்புகழ் பாடல். 

அப்பொழுதிலிருந்து இந்தப் பாடல் பாராயணம் செய்யப்பட்டது. அதற்கு அடுத்து வந்த நாட்களில் பாக்யா குறித்து பிரார்த்தனைகள் தொடர்ந்து போடப்பட்டது. 14ஆம் தேதி அக்டோபர் மாதம் சமஷ்டி பாப விமோசனம் என்று குழுவாக அனைவரும் இணைந்து அருணகிரிநாத பெருமானின் பாடலை பாராயணம் செய்ய உணர்த்தினார். எனவே அக்டோபர் 15ஆம் தேதி இதற்கான குழு தொடங்கப்பட்டு பாராயணம் நடந்தது. அக்டோபர் 16ஆம் தேதி வியாழக்கிழமை அன்று அமெரிக்காவில் உள்ள ஒரு சகோதரி ஏன் அமெரிக்காவில் உள்ள அடியவர்கள் மூலம் நிதி திரட்ட கூடாது என்று சகோதரி அனிதா அவர்களின் குழுவில் ஒரு பதிவை வெளியிட்டார்.

இதற்கு நடுவில் 14ஆம் தேதி திடீரென ஜப்பானிலிருந்து ஒரு அடியவர் எங்களை அழைத்துப் பேசினார். அவ்வாறு அவர் அழைத்துப் பேசுவதற்கு முன்பு, ஒரு பிரார்த்தனை வைக்கப்பட்டிருந்தது. அதாவது புற்று நோய்க்கு காரணம் உணவு தானா என்பது குறித்து உணர்த்துங்கள் என்று பிரார்த்தனை வைக்கப்பட்டு இருந்தது. அதற்கு விடை கொடுக்கும் விதமாகவும் அந்த சகோதரி அவருடைய நெருங்கிய உறவினர் புற்றுநோயால் பாதிக்கப்பட்டிருந்ததாகவும் அதற்கு உணவு காரணம் இல்லை என்று நாம் எதுவும் கேட்காமலேயே தெரிவித்தார். அந்த உறவினர் வெளியில் எங்கும் சாப்பிட்டது இல்லை என்பதும் வீட்டில் விளைந்த காய்கறிகள் கொண்டு தினமும் சமைத்து சாப்பிட்டார்கள் என்றும் கூறினார். அப்பொழுது புற்று நோய்க்கு காரணம் கர்ம வினை என்று உணர்த்தப்பட்டது. 

---

🌍 உலகம் முழுதும் இணைந்த அடியவர்கள்

கர்மவினை என்று சொல்லும் பொழுது நாம் அனைவரும் செய்த பாவங்களை மட்டுமே நினைக்கிறோம். கர்மவினை என்று சொல்லும் பொழுது பாவ புண்ணியம் இரண்டுமே என்பதை நாம் மறந்து விடுகிறோம். ஏனெனில் கஷ்டம் வரும்போது மட்டும் தான் எதனால் இந்த கஷ்டம் என்று யோசிக்கிறோம். எந்த வித கஷ்டமும் இல்லாமல் நல்ல நிலையில் சந்தோஷமாக வாழும் பொழுது இது போன ஜென்மத்தில் செய்த புண்ணியத்தினால் என்று ஒரு பொழுதும் நினைப்பதில்லை. பாக்யா அவர்களுக்கு கர்ம வினையினால் புற்றுநோய் என்று சொல்லும் பொழுது, உலகமெங்கும் இருக்கும் அடியவர்களை இணைத்து அவர்களுக்கு உதவி புரிய இறைவன் இவ்வளவு மும்முரமாக பல விஷயங்களை செய்து கொண்டிருக்கிறார் என்றால் பாக்யா அவர்கள் செய்த புண்ணியத்தினால் மட்டும்தான் என்பது எங்களுக்குப் புரிந்தது.

அக்டோபர் 16ஆம் தேதி வியாழக்கிழமை அன்று இறையருளால் அமெரிக்காவில் உள்ள சகோதரி மூலம் நிதி திரட்டும் விஷயங்கள் இறையருளால் உடனடியாக நடந்தது. ஆனாலும் அதிலும் ஒரு தடை ஏற்பட்டது. நிதியை திரட்ட அமெரிக்காவில் இருக்கும் ஒரு வங்கி கணக்கு தேவைப்பட்டது. அதில் கிடைப்பதில் சிக்கல் ஏற்பட்டது. அக்டோபர் 17ஆம் தேதி திடீரென இறைவன் ஏற்கனவே இங்கிலாந்தில் இருந்து தொடங்கப்பட்ட அந்த நிதி திரட்டும் இணையதளத்தின் மூலம் இதனை செய்ய முடியும் என்பதை உணர்த்தினார். இதற்கு முன்பு இதை இணையதளம் அமெரிக்காவில் உள்ள ஒரு ஒரு சகோதரி இடம் அவர் கேட்டுக் கொடுத்த பொழுது அவர் இந்த லிங்கன் மூலம் பணம் செலுத்த முடியவில்லை என்று கூறியிருந்தார். அன்று எதனால் அவ்வாறு பணம் செலுத்த முடியாமல் போனது என்று எங்களுக்கு தெரியாது. ஆனால் அக்டோபர் 17ஆம் தேதி அன்று இந்த லிங்க்கின் மூலம் பணம் செலுத்த முடிந்தது.

இறைவன் அருளினால் இந்த இணையதளத்தின் லிங்கை கொண்டு அமெரிக்காவில் உள்ள ஒரு சகோதரனும், சகோதரியும் உதவி செய்ய நிதி திரள ஆரம்பித்தது. இந்தியாவிலும் அந்த சகோதரி Milaap மூலம் இதை திரட்டும் விஷயங்களை ஆரம்பித்தார்.

அமெரிக்கா, ஜப்பான், இந்தியா, இங்கிலாந்து — இங்கு இருக்கும் சகோதரர்கள், சகோதரிகள் இறைவன் அருளால் இணைந்தனர். Milaap, GoFundMe ஆகியவற்றின் வழியே நிதி திரட்டும் செயல் தானாக நடந்தது.

அக்டோபர் 23, 2025 அன்று இம்யூனோதெரபி தொடங்கப்பட்டது.
இதற்கு அமெரிக்காவில் உள்ள கிஷோர் அவர்களும் அவர்களுடைய நண்பர்களோடு இணைந்து பாக்கி அவர்களுக்கு கிட்டத்தட்ட 2.17 லட்சங்கள் அனுப்பி இருந்தது கண்டு கண்களில் நீர் கசிந்தது. 

இது அனைத்தும் இறைவன் திருவிளையாடல் அல்லவா!

---

🪶 இறுதி சிந்தனை

இப்பொழுது திரும்பவும் இந்த அனுபவத்தை படித்து பாருங்கள். திடீரென செப்டம்பர் 2024ல் ஏதோ ஒரு அடியரை கொண்டு சித்த மருத்துவ குழுவில் நம்முடைய அறக்கட்டளையை இறைவன் இணைத்ததும், வெள்ளத்தை அடிப்படையாகக் கொண்டு புதிய வீடு வாங்கப்பட்டதும், சித்த மருத்துவர் குழு மூலமாக கிஷோர் அவர்கள் அறிமுகமானதும், திடீரென ரியல் சாய் மிராக்கள் youtube சேனல் சகோதரி அனிதா அவர்கள் குழுவில் இணைந்ததும், அந்த குழு மூலமாகத்தான் அமெரிக்காவில் உள்ள சகோதரனும், சகோதரியும் அறிமுகமானதும், இந்த குழு மூலமாகவே திருப்புகழ் புத்தகம் கிடைத்ததும், வேல்மாறல் பாராயணம் செய்யப்பட்டதும், அருணகிரிநாத பெருமானின் தெரிந்தும் தெரியாமல் செய்த பாவங்களுக்கு பரிகாரமாக கனகந் திறள் திருப்புகழ் பாராயணம் செய்யப்பட்டதும், வந்த தடைகள் ஒன்றாக விலகியதும், ஆக எங்கோ இருந்த பாக்யா அவர்களுக்கு இங்கிலாந்து, அமெரிக்கா, ஜப்பான், இந்தியா என உலகம் எங்கிலும் இருக்கும் அடியவர்களை இணைத்து இத்தனை விஷயங்களை நடத்தி இருக்கும் இறைவனின் திருவிளையாடல்களை நினைத்துப் பார்க்கும் பொழுது கண்களில் நீர் கசிகிறது.

இந்தப் பதிவை படிக்கும் அனைத்து அடியவர்களுக்கும், இறைவன் மேல் பரிபூரண நம்பிக்கை கொள்ளுங்கள். நமக்கு வரும் இன்ப துன்பங்கள் இரண்டிற்கும் காரணம் நாம் செய்த கர்ம வினைகள் என்று சொல்லும் பொழுது நாம் பாவம் புண்ணியம் இரண்டும் செய்து இருப்போம். 

எனவே இப்பொழுது வாழும் வாழ்க்கையிலும் முடிந்த பொழுதெல்லாம் பிறருக்காக பிரார்த்தனை செய்வதும், பிறருக்கு ஆறுதலாக நம்பிக்கை ஊட்டும் வண்ணம் பேசுவதும், முடிந்தால் நிதி உதவி அளிப்பதும், மற்ற பிற செயல்கள் மூலம் அவர்களுக்கு உதவுவதும் நம்மையும் நம்முடைய தலைமுறையையும் காக்கும் என்பதை உணர வேண்டும். 

இறைவன் ஒரு விஷயத்தை நமக்கு செய்வதற்கு எத்தனையோ விதங்களில் அருள் புரிந்து கொண்டிருக்கிறான். ஆனால் நமக்கு துன்பம் வரும் பொழுது அதனை உணராது இறைவன் மேல் நம்பிக்கை இழக்கிறோம் அல்லது கோபம் கொள்கிறோம். 

பாக்யா அவர்கள் விஷயத்திலும் இறைவன் மேல் கோபமும் நம்பிக்கையின்மையும் இருந்தது. அவர்களுக்கு உதவுவதற்கு பல நேரங்களில் பல தடைகள் ஏற்பட்டது. ஆனாலும் இறைவன் சில அடியவர்களை தன்னுடைய கருவியாக வைத்திருந்தான் அல்லவா? அந்தக் கருவிகளுக்கும் பல நேரங்களில் குழப்பமும் அடுத்து என்ன செய்வது என்று தெரியாத ஒரு போக்கும் இருந்து வந்தது. 

அதே சமயத்தில் இறைவன் இந்த விஷயத்தை செய்யும்படி பணித்திருக்கிறான். அதனால் முடிந்தவரை உதவி செய்ய வேண்டும் என்கின்ற ஒரு எண்ணம் மட்டும் இறைவனின் அருளால் இருந்து கொண்டே இருந்தது. அதனால் தொடர்ந்து பிரார்த்தனை செய்யப்பட்டு வந்தது. இன்றைக்கு அத்தனை தடைகளும் அந்தப் பிரார்த்தனைகள் மூலம் தான் நீங்கியது. 

இப்பொழுதும் பாக்யா அவர்களுக்கு கொடுக்கப்பட்டிருக்கும் இந்த இம்யூனோதெரபி பல்வேறு விதமான உடல் உபாதைகளை கொடுத்து வந்து கொண்டிருக்கிறது. எனவே இந்தப் பதிவை படிக்கும் அனைத்து அடியவர்களும் மறக்காமல் கீழே கொடுக்கப்பட்டிருக்கும் தெரிந்தும் தெரியாமலும் செய்த பாவங்கள் நீங்க அருணகிரிநாத பெருமான் அருளிய திருப்புகழை தினமும் பாராயணம் செய்து பாக்யா அவர்களுக்காக இறைவன் திருவடியில் சமர்ப்பிக்கவும். இவ்வாறு பிறருக்காக பாராயணம் செய்யும்பொழுது, நம்மைச் சுற்றியும் புண்ணிய பலன் பெருகி ஒரு கவசமாக காக்கிறது. 

---

🔱 அருணகிரிநாதப் பெருமானின் கனகந் திறள் திருப்புகழ்

கனகம் திரள்கின்ற பெருங் கிரி
தனைல் வந்து, தகன் தகன் என்றிடு
கதிர் மிஞ்சிய செண்டை எறிந்திடு ...... கதியோனே!

கடமிஞ்சி அநந்த விதம் புணர்
கவளம் தனை உண்டு வளர்ந்திடு
கரியின் துணை என்று பிறந்திடும் ...... முருகோனே!

பனகம் துயில்கின்ற திறம் புனை,
கடல் முன்பு கடைந்த பரம்பரர்,
படரும் புயல் என்றவர் அன்புகொள் ...... மருகோனே!

பல துன்பம் உழன்று கலங்கிய
சிறியன்க, புலையன், கொலையன், புரி
பவம் இன்று கழிந்திட வந்து அருள் ...... புரிவாயே.

அனகன் பெயர் நின்று உருளும் திரி
புரமும் திரி வென்றிட, இன்புடன்
அழல் உந்த நகும் திறல் கொண்டவர் .... புதல்வோனே!

அடல்வந்து முழங்கி இடும் பறை
டுடுடுண்டுடு டுண்டுடு டுண்டு, என
அதிர்கின்றிட, அண்டம் நெரிந்திட ...... வருசூரர்

மனமும் தழல் சென்றிட, அன்று அவர்
உடலும் குடலும் கிழி கொண்டிட,
மயில் வென் தனில் வந்து அருளும் கன ...... பெரியோனே!

மதியும் கதிரும் தடவும் படி
உயர்கின்ற வனங்கள் பொருந்திய
வளம் ஒன்று பரங்கிரி வந்து அருள் ...... பெருமாளே.

---

🌸 🕉️ இறை அனுபவங்களை பகிர்வதின் முக்கியத்துவம் 🌸 🕉️ 

இது போன்ற இறை அனுபவங்களை பகிர்வதின் முக்கிய காரணம் இறைவனின் புகழையும் பெருமையையும் படிக்கும் பொழுது நம்முடைய கர்ம வினைகள் அழியும் என்பதுதான் முக்கிய காரணம்!

அதுமட்டுமன்றி, இறைவனின் புகழையும் பெருமையும் படிக்கும் பொழுது நமக்கும் இது போல் உதவுவார் என்கின்ற நம்பிக்கை படிப்பவர் மனதில் எழுகிறது.

அடுத்து வரும் தலைமுறை அறிவியலுக்கும் ஆன்மீகத்திற்கும் இடையில் திண்டாடி தவிக்கிறது.

இறை நம்பிக்கை என்கின்ற விஷயம் நம்முடைய துன்பங்களை தீர்ப்பதற்காக மட்டுமல்ல!
அந்த நம்பிக்கை மட்டும் தான் மன அமைதியை, மன நிறைவை கொடுக்கக்கூடிய ஒரே அற்புத மருந்து!!

🌺 இறைவனின் கருணைக்கு நன்றி

இத்தகைய அற்புத அனுபவங்களை கொடுத்து தன்னுடைய கருணை எல்லையற்றது என்று உணர்த்திக் கொண்டிருக்கும் இறைவனின் திருவடிகளை பணிந்து வணங்குகின்றோம்!

இதே நேரத்தில் இறைவனிடம் பிரார்த்தனை:
இறைவா, பாக்யா அவர்களின் புற்றுநோயை முழுவதுமாய் நீக்கி, அவர்களுக்கு பூரண ஆரோக்கியத்தையும் பூரண ஆயுளையும் அளித்து, அவர்கள் ஆயுள் முழுவதும் நீ காட்டிய இந்த கருணையை நினைத்து உள்ளம் உருகி வாழ அருள் புரிவாயாக!

இந்த அற்புதத்தை தன்னுடைய பேரன், பேத்தி என அனைவருக்கும் மனம் உருகி பகிர்ந்து கொள்ளும் வண்ணம் அருள் புரிந்து ஆசீர்வதிக்க உன்னுடைய திருவடி பணிந்து வேண்டி, எங்களுடைய பிரார்த்தனையை உன் திருவடியில் சமர்ப்பிக்கின்றோம்.

உன்னால் நினைத்தால் செய்ய முடியாதது எதுவுமில்லை!
உலகம் உன்னுடைய கையில் ஒரு கால்பந்து போல!
உலகமெங்கும் இருக்கும் உன்னுடைய அடியவர்கள் யாரையும் உன்னால் கருவிகளாக மாற்ற முடியும்!

இறை அனுபவத்தை கொடுத்து, உணர்வில் உன்னை உணர வைக்க முடியும் என்பதை நினைக்கும் பொழுது நெஞ்சம் உருகுகிறது!
உன்னுடைய அன்பில் கண்கள் கசிகிறது!

🌿 சிவாய நம ஓம் சாய் ராம்